vima365

Το κουβάλεμαν – Απο την Παναγιώτα Ιωακειμίδου

Το κουβάλεμαν

Απο την Παναγιώτα Ιωακειμίδου

Είνας μίαν ΄α κότσευεν και εκούιξεν τη χαμάλτς να ευτάνε συμφωνίαν. Ση συμφωνίαν απάν΄ εσκάλωσαν να ταβίζ΄νε. Γιατί ψαλαφάς ατόσα πολλά ευλο΄ημένε;

Ενούντσεν, επενούντσεν ο χαμάλτς και είπεν ατον:

-Δέξιματ΄, πολλά ΄κ΄ εψαλάφεσα σε, τέρεν πόσα πράματα έεις: καριόλας – μαριόλας, τολάπε- μολάπε, σαντούκια – μαντούκια, σκρίνα – μίνα, αμπάρε – μαμπάρε….

Ο χερίφ΄ς ΄κ΄ εβάσταξεν και είπεν ατον:

Νέπε, ΄κ΄ έν΄ ανάγκη να κουβαλείς ατα όλε ατά, άφ΄ς οπίσ΄ τα μαριόλας, τα μολάπε, τα μαντούκια, τα μίνα, τα μαπάρε. Σο τέλος εσυμφώνεσαν στα 35 γορόσια.

Αφού ετέλωσαν τη δουλείαν είπεν ατ΄ς:

Παίδια, ΄κί πιστεύω να έχετε παράπονα – μαράπονα, 35 γορόσια – μορόσια, ολίγα παρά΄ες – μαρά΄ες ΄κ΄ είναι.